ভাইৰাছে ত্ৰাসিত কৰা পৃথিৱীক বিষয় হিচাপে লৈ অনুষ্ঠিত কৰা অনলাইন প্ৰতিযোগিতাৰ ফলাফল ঘোষণা

সৌমাৰ প্ৰহৰী, শিৱসাগৰ ২৩ মে’: লক্‌ডাউনৰ সময়ছোৱাত ছাত্ৰ-ছাত্ৰীসকল যাতে ঘৰতে সোমাই থাকি সৃষ্টিশীল কৰ্মত নিয়োজিত হৈ থাকিব পাৰে সেই মহান উদ্দেশ্য আগত ৰাখি ৰামধেনু ফাইন আৰ্ট এণ্ড ক্ৰাফ্‌ট একাডেমীৰ উদ্যোগত আৰু শিৱসাগৰ জিলাৰ অন্যতম সাহিত্য-সাংস্কৃতিক গোষ্ঠী এনাজৰীৰ সহযোগত “ভাইৰাছে ত্ৰাসিত কৰা পৃথিৱীখন”ক বিষয়বস্তু হিচাপে লৈ অনুষ্ঠিত কৰা মাহজোৰা অনলাইন ৰং-তুলিকা, গল্প লিখা আৰু কবিতা লিখা প্ৰতিযোগিতাৰ ফলাফল যোৱা ইং ১৫ মে’ ২০২০ তাৰিখে দিনৰ ২.০০ বজাত প্ৰকাশ কৰা হয় ৷ প্ৰতিযোগিতাৰ বিষয়বস্তু সূক্ষ্মভাৱে পৰ্যবেক্ষণ কৰি বিচাৰ ফলাফল আগবঢ়োৱাত গুৰুত্বপূৰ্ণ ভূমিকা পালন কৰা এই প্ৰতিযোগিতাৰ বিচাৰকসকল হ’ল ক্ৰমে ৰং তুলিকা প্ৰতিযোগিতাৰ বাবে জয়ন্ত ঢেকিয়াল, নিলোৎপল আৰন্ধৰা আৰু ৰিদিপ বৰুৱা; গল্প লিখা আৰু কবিতা লিখা প্ৰতিযোগিতাৰ বাবে পংকজ শইকীয়া, নিলাঞ্জন মহন্ত আৰু পৰেশ হাতীমূৰীয়া ৷ প্ৰতিযোগিতাখনিত শ্ৰেষ্ঠত্ব প্ৰতিপন্ন কৰিবলৈ সক্ষম হোৱা প্ৰতিযোগীসকল হ’ল ক্ৰমে ৰং তুলিকা প্ৰতিযোগিতা - “ক” শাখাত (৫ম শ্ৰেণীৰ পৰা ৮ম শ্ৰেণীলৈকে) প্ৰথম শ্ৰেষ্ঠ :- দিশামণি গগৈ, দ্বিতীয় শ্ৰেষ্ঠ :- গায়ত্ৰী গগৈ, তৃতীয় শ্ৰেষ্ঠ :- গৌৰৱ চেতিয়া; ৰং-তুলিকা প্ৰতিযোগিতাৰ - “খ” শাখাত ( নৱম শ্ৰেণীৰ পৰা মুকলি )প্ৰথম শ্ৰেষ্ঠ :- হিমাংশু গগৈ, দ্বিতীয় শ্ৰেষ্ঠ :- অম্লানজ্যোতি গগৈ, তৃতীয় শ্ৰেষ্ঠ :- লাকী গগৈ ৷গল্প লিখা প্ৰতিযোগিতাত প্ৰথম শ্ৰেষ্ঠ গল্প :- “ সংশোধন ” প্ৰতিযোগীৰ নাম :- জয়ন্তজিৎ সন্দিকৈ, দ্বিতীয় শ্ৰেষ্ঠ গল্প :- মৃত্যুদূত প্ৰতিযোগীৰ নাম :- চয়নিকা গগৈ; কবিতা লিখা প্ৰতিযোগিতাত প্ৰথম শ্ৰেষ্ঠ কবিতা :- কম্পিত পৃথিৱী প্ৰতিযোগীৰ নাম :- অনুষ্কা ফুকন, দ্বিতীয় শ্ৰেষ্ঠ কবিতা :- বিধস্ত পৃথিৱী প্ৰতিযোগীৰ নাম :-  ৰূপজ্যোতি বৰগোঁহাই ৷