বহিৰাজ্যৰ পৰা অহা দুজন ব্যক্তিকলৈ সিংহদ্বাৰত উত্তেজনা - সৌমাৰ প্ৰহৰী Soumar Prahari News

বাতৰি

Sunday, 12 April 2020

বহিৰাজ্যৰ পৰা অহা দুজন ব্যক্তিকলৈ সিংহদ্বাৰত উত্তেজনা

হাঁহচৰাৰ প্ৰতিবেদক, ১২ এপ্ৰিলঃ সমগ্ৰ দেশত লক ডাউন অব্যাহত থকাৰ সময়তে চুবুৰীয়া ৰাজ্য মণিপুৰৰ পৰা অহি আজি পুৱা উপস্থিত হোৱা দুজন ব্যক্তিকলৈ শিৱসাগৰ জিলাৰ চেৰেকাপাৰৰ সিংহদ্বাৰত তীব্ৰ উত্তেজনাৰ সৃষ্টি হয় । ব্যক্তি দুজন বিনয় সিং আৰু পবিত্ৰ সিং বুলি জানিব পৰা গৈছে । এম.এন ০১-৯০৮৯ নম্বৰৰ গেছ এজেঞ্চিৰ গাড়ীৰে মণিপুৰৰ পৰা অহা লোকদুজনৰ পবিত্ৰ সিং নামৰ লোকজন হঠাৎ মুৰ ঘুৰাই ঢলি পৰাত লোকজনৰ ঘৰৰ ওচৰ চুবুৰীয়াৰ মাজত হুৱাদুৱা লাগে । স্থানীয় লোকৰ খৱৰৰ ভিত্তি আশা কৰ্মীৰ লগতে স্থানীয় স্বাস্থ্য কৰ্মীৰ এটা দল আহি লোকজনক হোম’ কোৱাৰেন্টাইনৰ ব্যৱস্থা কৰে । লক ডাউনৰ সময়ছোৱাত সকলো লোককে ঘৰতে থকাৰ বাবে প্ৰধানমন্ত্ৰীৱে জনোৱা আহ্বান আৰু প্ৰশাসনৰ কঠোৰ স্থিতিৰ পিছতো যেন, এতিয়া এচাম কাণ্ডজ্ঞানহীন লোকক একো প্ৰভাৱ পেলাব পৰা নাই । সমগ্ৰ বিশ্বতে কৰো’না ভাইৰাছে লোৱা ভয়াবহ মহামাৰীৰূপত হাজাৰ হাজাৰ লোকৰ মৃত্যু হোৱাৰ পিছতো সমাজৰ এই সকল লোকৰ মাজত সচেতনতাৰ অভাৱ নেকি বুলি সমগ্ৰ ঘটনাটোকলৈ ৰাইজে ক্ষোভ ব্যক্ত কৰে ।

No comments:

Post a comment