সৌমাৰ প্ৰহৰী, ডিব্ৰুগড় ১ ছেপ্তেম্বৰঃ আগন্তুক ২০২১ বৰ্ষৰ অসম বিধানসভা নিৰ্বাচনত সদৌ অসম মটক ছাত্ৰ সন্থাই ৰাজ্যখনৰ ৬ টা  সমষ্টিৰ পৰা পৰোক্ষভাৱে ক্ৰমে তিনিচুকীয়া , চাবুৱা , লাহোৱাল, ডিব্ৰুগড় , শিৱসাগৰ আৰু বিহপুৰীয়া সমষ্টিৰ পৰা নিৰ্বাচনত প্ৰতিদ্বন্দিতা আগবঢ়াব । ইতিমধ্যে সংগঠনটোৰ সিন্ধান্ত মৰ্মে সংগঠনটো মুখ্য উপদেষ্টা যুগল বৰুৱাই লাহোৱাল বিধানসভা সমষ্টিৰ পৰা, সংগঠনটোৰ সভাপতি নিৰেণ শইকীয়াই তিনিচুকীয়া বিধানসভা সমষ্টিৰ পৰা, তিনিচুকীয়া জিলা সমিতি সভাপতি সঞ্জয় হাজৰিকাই চাবুৱা সমষ্টিৰ পৰা প্ৰতিদ্বন্দিতা আগবঢ়াব বুলি প্ৰস্তাৱ গ্ৰহণ কৰিছে বুলি আজি এক প্ৰেছ বিজ্ঞপ্তিৰ জড়িয়তে সংগঠনটোৰ মুখ্য উপদেষ্টা যুগল বৰুৱাই জানিবলৈ দিছে । ইপিনে শিৱসাগৰ জিলা মটক ছাত্ৰ সন্থাৰ সাধাৰন সম্পাদক বিতুল গগৈয়েও শিৱসাগৰ সমষ্টিৰ পৰা নিৰ্বাচনত প্ৰতিদ্বন্দিতা কৰিব বুলি বিতুল গগৈয়ে জানিবলৈ দিয়ে ।

সৌমাৰ প্ৰহৰী, শিৱসাগৰ ২৮ আগষ্টঃ ভাৰতীয় জনতা পাৰ্টিৰ কৰ্মী তথা ৰাষ্ট্ৰীয় স্বয়ং সেৱক সংঘৰ কাৰ্যকৰ্তা চাণক্য কুমাৰ দাস(Chanakya Kumar Das) ভাৰতীয় জনতা পাৰ্টিৰ অসম প্ৰদেশৰ অনুসূচীত জাতি মৰ্চাৰ ৰাজ্যিক সদস্য হিচাপে নিৰ্বাচিত হোৱাত শিৱসাগৰ জিলাৰ লগতে শিৱসাগৰ নগৰত  বিজেপি কৰ্মী সকলৰ লগতে শুভাকাংশী সকলৰ মনত উচাহ দেখিবলৈ পোৱা গৈছে । ভাৰতীয় জনতা পাৰ্টিৰ লগতে বিভিন্ন শুভাকাংশীয়ে চানক্য কুমাৰ দাসক শুভকামনা জ্ঞাপন কৰে । ইয়াৰ পূৰ্বে ভাৰতীয় জনতা পাৰ্টিৰ শিৱসাগৰ জিলাৰ মজদুৰ মৰ্চা, কৃষান মৰ্চাৰো সম্পাদক আছিল চাণক্য কুমাৰ দাস । উল্লেখ্য যে, চাণক্য কুমাৰ দাস(Chanakya Kumar Das)ৰাষ্ট্ৰীয় স্বয়ং সেৱক সংঘৰ লগতে বিজেপিৰ এগৰাকী পুৰণি কাৰ্যকৰ্তা । বিজেপি দলৰ বেয়া দিনটো দলৰ হৈ কাম কৰি যোৱা চাণক্য কুমাৰ দাসে শিৱসাগৰ নগৰৰ লগতে স্থানীয় ৰাইজৰ সমস্যাৰ ক্ষেত্ৰত মাত মাতি অহিছে আৰু  আৰ্তজনৰ কাষত সুখ-দুখৰ সমভাগি হৈ আহিছে ।

সৌমাৰ প্ৰহৰী, শিৱসাগৰ ২৭ আগষ্টঃ সদৌ শিৱসাগৰ জিলা মটক ছাত্ৰ সন্থাৰ শিৱসাগৰ জিলা সমিতিয়ে শিৱসাগৰ প্ৰেছ ক্লাৱত যোৱা কালি এখনি সংবাদমেল সম্বোধন কৰি মটক জনগোষ্ঠীক জনজাতি কৰন, মটক জনগোষ্ঠীক স্বায়ত্ব শাসন প্ৰদান, কা’ বাতিল, ই.আই.এ অধিসূচনা বাতিল কৰা, অখিল গগৈৰ মুক্তি দিয়া, মূল্যবৃদ্ধি ৰোধ কৰা, ৰাজ্যত ছিণ্ডিকেট বন্ধ কৰা, নিবনুৱা সমস্যা সমাধন কৰা বৃহৎ নদীবান্ধ বন্ধ কৰাৰ লগতে শিৱসাগৰ জিলাত মটক ৰজা সৰ্বানন্দ সিংহৰ প্ৰতিমূৰ্তি স্থাপনকে ধৰি বহু কেইটা দাবী উত্থাপন কৰে । সংবাদ মেলখনত সদৌ শিৱসাগৰ জিলা মটক ছাত্ৰ সন্থাৰ সভাপতি বিৰাজ গগৈ আৰু সাধাৰন সম্পাদক বিতুল গগৈয়ে মটক অধ্যোষিত অঞ্চলৰ উন্নয়নৰ লগতে মটক জনগোষ্ঠীৰ পাৰ্থীত্ব প্ৰদান কৰিবলৈও ৰাজনৈতিক দল সমূহৰ আহ্বান জনাই ।

সৌমাৰ প্ৰহৰী, হাঁহচৰা, এজন প্ৰতিবেদক, ১৭ আগষ্টঃ সদৌ তাই আহোম ছাত্র সন্থা (আটাছু) গড়গাঁও মহাবিদ্যালয়ৰ গোটৰ উদ্যোগত ৭৪ সংখ্যক স্বাধীনতা দিৱস উপলক্ষে আয়োজন কৰা অনলাইন ৰং তুলিকা প্ৰতিযোগিতাৰ ফলাফল ঘোষণা কৰা হয় । সপ্তম শ্ৰেণীৰ পৰা দ্বাদশ শ্ৰেণীলৈ 'ক"শাখা আৰু শ্নাতক পৰ্যায়ৰ পৰা মুকলি  দুটা শাখাত অনুষ্ঠিত প্ৰতিযোগিতা লানিত অসমৰ বিভিন্ন জিলাৰ পৰা দেৰ শতাধিক প্ৰতিযোগিয়ে অংশগ্ৰহণ কৰে , প্ৰতিযোগিতা লানিৰ সন্মানীয় বিচাৰকৰ আসন অলংকৃত কৰে বিশিষ্ট চিত্ৰ শিল্পী নীলোৎপল আৰন্ধৰা আৰু ৰিদিপ বৰুৱাই, প্ৰতিযোগিতাৰ ফলাফল অনুসৰি 'ক" শাখাত প্ৰথম স্থান লাভ কৰে ৰাখী বৰগোঁহাই, দ্বিতীয় স্থান অনিৰুদ্ধ ৰাজকোঁৱৰ তৃতীয় স্থান যুটীয়া ভাবে লাভ কৰে সীমানি দাস আৰু অনিন্দিতা গগৈয়ে 'খ"শাখাত প্ৰথম স্থান লাভ কৰে জোতি খনিকৰ দ্বিতীয় ত্ৰিবেনী বৰুৱা আৰু তৃতীয় স্থান লাভ কৰে আয়ুন কিনচন সোণোৱালে, এই প্ৰতিযোগিতা খনি সফল কৰি তোলাৰ বাবে সকলো অংশগ্ৰহণকাৰি প্ৰতিযোগী সকলক উদ্যোগতা সকলে ধন্যবাদ আৰু কৃতজ্ঞতা জ্ঞাপন কৰিছে ।